မနေ့က စီတီးဟောသွားတော့ ဆိုင်တစ်ဆိုင်မှာ နှင်းဆီပန်းပိစိလေးတွေ တင်ထားတာတွေ့တယ် အခိုင်လိုက် လေးတွေ ဘယ်လိုရောင်းလဲ မမေးကြည့်မိခဲ့ဘူး မေးပြီးရင် ၀ယ်နေရမှာစိုးလို့။ နှင်းဆီပန်းသေးသေးလေးတွေ အရမ်းသဘောကျတာ အဲ့ဒီပန်းလေးတွေ မြင်တော့ ငယ်ငယ်က စိုက်ခဲ့တဲ့အပင်လေးကို သွားပြီးသတိရမိတယ်...
စလုံးမှာ နှင်းဆီပန်းရှာသလို သူတို့ဆီမှာ စိုက်ဖို့ဝယ်လို့ရတဲ့ နှင်းဆီပင်တွေက မြန်မာလိုဆို ကျောက်နှင်းဆီတွေ။ အစကတည်းက ကျောက်နှင်းဆီကို မကြိုက်သလို ရေမွှေးနှင်းဆီလည်း မကြိုက်ဘူး။ ဒါပေမယ့် မနေ့က တွေ့ခဲ့တဲ့ နှင်းဆီပန်းက မြန်မာနှင်းဆီပန်းတွေ အဲ့ဒါတွေတော့ ကြိုက်တယ် စိုက်လည်း စိုက်ဖူးတော့ ပိုပြီး သဘောကျတယ်. ပြီးတော့ ခွေးနှင်းဆီလို့ခေါ်တဲ့ အင်္ဂလန်နှင်းဆီလည်းကြိုက်တယ် သူကအဖြူရောင်ပဲရှိပြီး ပွင့်ဖတ် သိပ်ပြီး မများတဲ့ နှင်းဆီပေါ့။

အင်္ဂလန်နှင်းဆီက ပွင့်ဖတ်မများဆို တစ်လွှာပဲပါတယ်..ဒါပေမယ့် အနံ့ကအတော်လေးမွှေးတယ် အပင်နား မရောက်ခင်ကတည်းက အနံ့ရတယ် ဒါပေမယ့် မြန်မာနှင်းဆီအနံ့လို ခပ်စူးစူး သင်းသင်းလေး မဟုတ်ပဲ ခပ်နွဲ့နွဲ့လေး။ ပြီးတော့သူက ပူတဲ့ရာသီဥတုမှာ သိပ်ပြီးမတွေ့ရပဲ..အအေးပိုင်း တွေမှာပဲတွေ့ဖူးတယ်.. တွေ့ဖူးတယ်ဆိုတာထက် မြစ်ကြီးနားမှာပဲ မြင်ဖူးလို့ပါ.. တခြားနေရာတွေမှာသူ့ကို တစ်ခါမှ မတွေ့ဖူးလို့.. မြစ်ကြီးနားမှာနေတုန်းက ဆရာမရဲ့အိမ်မှာ ရုံကြီးလိုက်ရှိတာ သိပ်ပြီးမွှေးတာပဲ ဆရာမအိမ်သွားတိုင်း နှင်းဆီပင် ကိုမျက်စပစ်မိတယ်..ဆရာမအိမ်လည်းဖြစ်.. ဆရာမလည်း စည်းကမ်းကြီးတော့ လိုချင်တယ်လို့ မပြောရဲဘူး ၀ဲလည်ဝဲလည်နဲ့ပဲဖြစ်နေတာ...

ဒီရောက်ပြီးမှာ ကျောက်နှင်းဆီဝယ်စိုက်ဖြစ်သေးတယ် ဘလောဂ့်မှာတောင် တင်ဖူးသေးတယ်ထင်တယ်... အဲ့ဒီအပင်လေး သေသွားတယ်... ရာသီဥတုအရမ်းပူတဲ့အချိန်မှာ ရေသေချာမလောင်းနိုင်လို့လေ... ဒါနဲ့ စိတ်နာနနာနဲ့ သစ်ခွပင်ပဲစိုက်ထားလိုက်တော့တယ် သစ်ခွက၀န်ကျဉ်းပြီးတော့ အခန်းထဲမှာ ထည့်ထားလို့ရလို့ တခြားအပင်တွေက အခန်းထဲထည့်ထားရလောက်အောင် အဆင်မပြေဘူး အဲ့ဒါကြောင့်...အဆင်ပြေ နေရာတကျ ဖြစ်သွားရင်တော့ ထပ်ကြိုးစားပြီး နှင်းဆီပင် စိုက်ချင်တယ်.. ပြီးတော့ မြန်မာပြည်က နှင်းဆီပင်ပဲ စိုက်ချင်တယ် ပြီးတော့ မြန်မာပြည်က မြေကြီးလဲလိုချင်တယ်..လူများ လိုချင်တာတွေ သိပ်ပြီး များနေတာပဲနော်.. ဖြစ်ချင်တာတွေ မဖြစ်သေးသရွေ့တော့ ဖြစ်တာတွေကို လက်ပိုက်ကြည့်နေရမပေါ့...အခုလောလောဆယ်တော့ နှင်းဆီတစ်ခင်းလောက် လိုချင်မိတယ်..

-ကာဗွန်-
ကာဗွန်ဆိုရင် ကမ္ဘာကြီးကိုပူနွေးစေတဲ့ ကာဗွန်ဒိုင်အောက်ဆိုဒ် ရယ်၊ ထမင်းတွေ၊ ဟင်းတွေချက်လို့ရတယ်လို့ သိထားတဲ့မီးသွေးရယ် အနီးစပ်ဆုံး တွေးမိကြမယ်လို့ ထင်ပါတယ်။ မီးခိုးတွေ၊ မီးသွေးတွေမှာ ဘာမှထူးခြားတဲ့ အရောင်တွေ တပ်မက်စရာတွေမရှိပေမယ့်။ ကာဗွန်တစ်မျိုးဖြစ်တဲ့ စိန်မှာတော့ ထူးခြားတာတွေ အများကြီး ရှိမယ်ဆိုတာ အားလုံးသိကြပါတယ်။ စိန်းမှာ တခြားကာဗွန်တွေထက် ထူးခြားတာကတော့ သူ့ရဲ့မာခြင်းအဆင့်က အားလုံးထဲမှာ အမြင့်ဆုံးဖြစ်နေတာကြောင့်ဘဲ ဖြစ်ပါတယ်။


နောက်တစ်ချက်က အရောင်လက်တဲ့ အရာတွေကို လူတိုင်း၊ သတ္တ၀ါတိုင်း ကြိုက်နှစ်သက်ကြတာလည်း အားလုံး သိတာဘဲ။ စိန်ကလည်း ပုံမှန်ဆို ကျောက်တုံးတစ်တုံးလို ဖြစ်နေပြီး အရောင်သိပ်ပြီးမထွက်ပေမယ့် သွေးလိုက်ရင် ဖျတ်ဖျတ်တောက်သွားတဲ့အခါမှာတော့ လူအားလုံးရဲ့စိတ်ကို မှော်ဝင်အောင် ဖမ်းစားနိုင်ပါတယ်။ ဒါဆို အရောင်လတ်တဲ့ တခြားအရာတွေ ဥပမာ- မနက်ခင်း နေရောင်ခြည်မှာ ဖိတ်ဖိတ်တောက်လက်
နေတဲ့ ကန်ရေပြင်မှာ စိန်ပွင့်တွေခင်းထားသလို လှနေပေမယ့် လူတွေမှာသာ ပုံမှန် အခြေအနေနဲ့  ပြည်စုံ နေမယ်ဆိုရင် ကန်ရေပြင်ထက် စိန်တစ်ပွင့်ကိုသာ လူတွေက ပိုပြီးတန်ဖိုးထားကြမယ်လို့ ထင်ပါတယ်။ လက်တာခြင်းတူနေရင်တောင် စိန်က အမြဲပိုပြီး တန်းဖိုးရှိနေတက်ပါတယ်။

ဒါဆို လူတွေက စိန်ကိုဘာလို့ တန်ဖိုးထားကြတာလဲလို့ ကျွန်မတွေးမိပါတယ်။ ဘာလို့လဲ? ဘာကြောင့်လဲ? လို့ အမြဲတွေးမိတယ်။ ကျွန်မကိုယ်တိုင်လည်း စိန်ကို သိပ်ပြီးကြိုက်သလို၊ ဖ်ိတ်ဖိတ်တောက်နေတဲ့ အရာတွေကို မျက်စိကျမိတယ်။ နောက်ထပ်တစ်ခုက စိန်တွေ ဖိတ်ဖိတ်တောက်ရတာက အလင်းဖေါက်နိုင်တဲ့ အစွမ်းတွေ ရှိတာကြောင့် လို့ လက်ခံလိုက်ပါတယ်။ စိန်ရဲ့ မာကြောမှု့နဲ့ ကြည်လင်မှုပေါ်မှာ မူတည်ပြီး သူ့ရဲ့ အရောင်လက်မှု့ အပေါ်မှာ စိန်ရဲ့တန်ဖိုးလည်း ကွာခြားသွားပါတယ်။

ဒါဆိုရင် လောကမှာ လောကဓံက ဘယ်လောက်ဘဲ အပူတိုက်ပါစေ ကြံ့ကြံ့ခံပြီးကိုယ့်ရဲ့ မာကြောမှု အဆင့်  မြင့်လာအောင်၊ ကိုယ့်ယုံကြည်မှု အဆင့်သာ အမြင်ဆုံးရောက်အောင် ကြိုးစားရင် လူ့လောကရဲ့ အမာဆုံး ကာဗွန်- စိန်- ဆိုတာမျိုး ဖြစ်လာမယ်လို့ ကိုယ့်ကိုယ်ကို ဆုံးမလိုက်မိတယ်။

တကယ်လို့သာ ကိုယ့်မှာ ဘယ်လောက်ဘဲ ပူလောင်၊ ခါးသီးတဲ့ နေ့ရက်တွေသာ ကြုံလာရပါစေ ကြည်လင်တဲ့ အစွမ်းသတ္တိ အားကောင်းတဲ့ စိတ်ထားသာ ရှိခဲ့မယ်ဆိုရင် အလင်းဖေါက်နိုင်တဲ့ တစ်ချိ်န်မှာ အရောင် တောက်နိုင်မယ်လို့လည်း တွေးမိလိုက်ပါတယ်။ နောက်ထပ် ကိုယ့်ဘဝကို ကိုယ်လိုချင်သလို၊ လိုအပ်သလိုသာ ပုံဖေါ်အကွတ်ချ သွေးနိုင်ခဲ့ရင် တဖျတ်ဖျတ်လတ်နေတဲ့ စိန်တစ်ပွင့်ဟာ ကိုယ်လည်း ဖြစ်နိုင်တာဘဲ ဆိုတဲ့အတွေးမျိုး တကယ်ကို ရရှိလိုက်ပါတယ်။

အမှန်က ကျောင်းအသွား၊ မီးရထားလမ်းဘေးက အရောင်တဖျတ်ဖျတ်တော်ကနေတဲ့ ကန်ရေပြင်ကိုကြည့်ပြီး ခေါင်းထဲရောက်လာတဲ့ အတွေးတစ်ခုပါ။ တွေးလိုက်တာ နားလည်လိုက်တာက အလွန်ဆုံး တစ်မိနစ် လောက်ဘဲ  ကြာမယ်ထင်ပါတယ်။ စိန်နဲ့ ရေ ကြားမှာ ရေက လူအသက်အတွက် အရေးကြီးတာတွေ၊ ရေက အသက်ရှင်ဖို့အတွက် အရေးကြီးတာတွေ ဘာမှထည့်မတွက်ခဲ့ဘူးဆိုရင် စိန်က ပိုပြီး တန်ဖိုးရှိနေ ပါတယ်။ ကန်ရေပြင်က ရေက မနက်ပိုင်းသာအရောင်တောက်ပြီး လှနိုင်ပေမယ့် စိန်ကတော့ အမြဲထာဝရ လှနေနိုင် တယ်။

ဘယ်လောက်ဘဲ ကြမ်းတမ်း ပူလောက်ပါစေ ကိုယ့်စိတ်ကို အမြင့်ဆုံးအဆင့်ထိ ခံနိုင်စွမ်းရည် ရှိအောင်သာ လေ့ကျင့်နိုင်မယ်၊ ကြည်လင်တဲ့ စိတ်ထားလေးလည်း ရှိခဲ့မယ်ဆိုရင် ကိုယ့်အတွက် ကိုယ်ဟာ စိန်တစ်ပွင့်ဘဲလို့ တွေးခဲ့မိပါတယ်။ ဒီလိုသာမဟုတ်ခဲ့ရင် ကိုယ်ကလောကမှာ ကာဗွန်သတ္တိချင်းတူတာတောင် အရောင်မည်းမည်း လေတိုက်ရင် လွင့်သွားနိုင်တဲ့ မီးခိုး၊ ဒါမှမဟုတ် မီးတိုက်တိုင်း ပြာအဖြစ်ပြောင်းလဲသွားမယ့် မီးသွေးတုံးမည်းမည်းသာ ဖြစ်လာတော့မယ်။

ဒီနေ့ IC Show သွားကြည့်ဖြစ်တယ်။ IC ကို ပထမဆုံးကြည့်ဖူးတာ ၁၉၉၃ လောက်ကထင်ပါတယ်။ IC ပေါ်ခါစလောက်ကပါ။ စောဘွဲမှူးမသေသေးပါဘူး။ မှတ်မှတ်ရရ အဖွားနဲ့သွားကြည့်တာ။ ကျွန်မကြည့်ချင်တယ်ဆိုလို့ မိဘတွေလည်း မလိုက်နိုင်တာနဲ့ အဖွား နဲ့ သွားကြည့်ဖြစ်တာပါ။ စက်တင်ဘာထင်ပါတယ်။ မှတ်မှတ်ရရ အဆိုတော်တွေ အများကြီး ဆိုကြပေမယ့် တစ်ယောက်မှမမှတ်မိတော့ဘူး။ ဒါပေမယ့် ဂီတာကို ပလက်လန်ပြီး တီးပြသွားတဲ့ ဂီတာသမားယောက်ဘဲ မှတ်မိပါတယ်။ နောက်တော့မှ အဲ့ဒီဂီတာ သမားဟာ စောဘွဲမှူးမှန်းသိပါတယ်။ အရမ်းဘောကျသွားတာကို ဂီတာတီးတာ သိပ်မိုက်လို့။ ဒီလိုနဲ့ အသက်ကြီးတဲ့အထိ IC ပွဲတွေ ဆက်ပြီးမကြည့်ဖြစ်တော့ဘူး။
၂၀၀၀ လောက်မှ စပြီး အငဲကို ကြိုက်ပါတယ်။ ပြီးတော့ သူငယ်ချင်းက မျိုးကြီးမိုက်တယ် နားထောင်ဆိုတာနဲ့ မျိုးကြီးပါ ကြိုက်သွားတယ်။ နောက်ပိုင်း မျိုးကြီးရဲ့ ရန်သူတစ်ထောင် ကြည့်ပြီး လေးဖြူပါ ကြိုက်သွားတယ်။ ထူးထူးဆန်းဆန်းကြီး လေးဖြူကို နောက်မှကြိုက်မိ တယ်။ နောက်ပိုင်း လေးဖြူခွေတွေ ၀ယ်ဖြစ်ပါတယ်။ IC ရဲ့ Show ပထမဆုံး Strand Hotel မှာလုပ်တော့ ၂၀၀၃ စက်တင်ဘာ ပထမဆုံးShow နဲ့ ၁၀ အကွာမှာ သွားကြည့်မယ် လုပ်ပေမယ့် ညဘက်ဖြစ်နေတာရော အတူသွားဖို့ လူမရှိတာရော။ ပိုက်ဆံ ၃၀၀၀ မတက်နိုင် တာရော အကြောင်းမျိုးစုံကြောင့် မသွားဖြစ်ခဲ့ပါဘူး။ ခွေတော့ ၀ယ်ပြီး နားထောင်တယ်၊ လိုက်ဆိုဖြစ်ပါတယ်။

ဒီလိုနဲ့ မြန်မာပြည်မှာလည်း IC Show တိုင်း လွတ်တယ်။ သွားမယ်လူမရှိတာရော အကြောင်းမတိုက်ဆိုင်တာရောကြောင့်။ ကျွန်မ မြန်မာခွေတွေ အ၀ယ်နည်းပေမယ့်။ စိုင်းစိုင်း နဲ့ IC ကထွက်တဲ့အခွေတိုင်းနီးပါ မူရင်းခွေတွေ ၀ယ်ပြီး အားပေးပါတယ်။ ကြိုက်တာကို။ အရင်တစ်ခါ စလုံးမှာ လာပြီး IC Show လုပ်တုန်းကလည်း ပိုက်ဆံမရှိဘူး။ ပြီးတော့ လေးဖြူမပါဘူး။ ဖြူဖြူကျော်သိန်းပါတယ်ထင်တယ်။ အဲ့ဒါနဲ့ သွားပြီး မကြည့်ဖြစ် ပါဘူး။ ဒီတစ်ခါတော့ တိုက်တိုက်ဆိုင်ဆိုင် သွားမယ့်လူကလည်း စိတ်ချရတဲ့လူ၊ လက်ထဲမှာလဲ ပိုက်ဆံလေးက တိုက်တိုက်ဆိုင်ဆိုင်ရှိနေတော့ (ရှိနေတာတော့မဟုတ်ပါဘူး၊ ရှိလိုက်တာ)။ မျက်စိမှိတ်ပြီး သွားလိုက်တယ်။

အမှန်အတိုင်းပြောရရင် အတူသွားတဲ့လူတွေကို အရမ်းကိုအားနာပါတယ်။ အစ်မတွေဖြစ်နေ တော့ အေးအေးဆေးဆေးသမားတွေ၊ ကျွန်မက ပုံမှန်အချိန်ဆို ဘာမှမဖြစ်ပေမယ့် အဲ့ဒီ သီချင်းတွေ နားထောင်ရင်တော့ ပုံမှန်မဟုတ်တာသေချာတယ်။ အဆိုးဆုံးကတော့ မျိုးကြီး သီချင်းတွေဆို လိုက်မဆိုဘဲ မနေနိုင်ဘူး။ အဲ့ဒီအချိန်မှာတော့ ကျွန်မကိုယ်ကျွန်မ မိန်မအဖြစ် ကနေ စွန့်လွှတ်ထားတယ်။ ဟဲဟဲ ပွဲအဖွင့်မှာ Rဇာနည်နဲ့ စတော့ အေးအေးလေးပါဘဲ။ နောက်တော့ ၀ိုင်ဝိုင်း။ Rဇာနည်ရော ၀ိုင်ဝိုင်းသီချင်းတွေရော ကျွန်မရတဲ့ သီချင်းတွေချည်း ဖြစ်နေတော့ လိုက်ပြီး ညည်းမိပါတယ်။ နောက်တော့ မျိုးကြီး မရတော့ ရှိန်ကမထိန်း နိုင်တော့ဘူး။ ပြီးတော့ သူဆိုသွားတဲ့သီချင်းအားလုံး ကျွန်မအကြိုက်တွေချည်း ဖြစ်နေတယ်။ ပွဲမှာ အငဲက နဲနဲပိန်သွားပြီး မျိုးကြီးဗိုက်က ၀လာတယ်ခင်ဗျ။ လေးဖြူကြီးကတော့ ထုံးစံအတိုင်းပါပဲလေ။

စိတ်ထဲရှိတဲ့အတိုင်း ကျွန်မရတဲ့ သီချင်းအကုန်နီးပါးလိုက်ဆိုဖြစ်တယ်။ အစကတော့ အစ်မတွေ အားနာ နေသေးတယ်။ နောက်တော့ ပိုးဝင်သွားတော့ အားမနာတော့ဘူး။ အဆိုတော်တွေ အပြင် အတီးသမား တွေကလည်း ခင်မောင်သန့်ကလွဲရင် အကုန် လက်စွမ်းပြသွားကြတာမို့ အတော်လေး ကြည့်ကောင်းတဲ့ ပွဲပါလေ။ အပိတ်ကျတော့ အရင် ၂၀၀၃ Live Show တုန်းက သီချင်းတွေ ဆိုသွားတယ်။ ကျွန်မက IC Show ကြည့်တာ ဒါပထမဆုံးမို့လားမသိဘူး အရမ်းကို ပျော်နေမိတယ်။ ပိုက်ဆံကုန်တာတွေ တန်သွားတယ်လို့ ထင်လိုက်မိတယ်။ နောက် လာမယ့် ဖေဖေါ်ဝါရီ ၁၄ ပွဲအတွက်ကိုပါ သွားကြည့်ဖို့ စိတ်ကူး ယဉ်နေမိတယ်။

Michael Jackson ရုတ်တရက်သေသွားတာ အနုပညာလောကကို တိုက်ရိုက် ရိုက်ခက်တာတင် မဟုတ်ဘဲ။ လူတွေရဲ့ စိတ်ဓါတ်တွေကိုပါ ရိုက်ခက်တယ်လို့ မြင်မိပါတယ်။ သူလုပ်ခဲ့တာတွေ တစ်ပုံတစ်ကြီးရှိပေမယ့် ကိုယ်တောင် သူ့လောက် အရာထင်အောင်မလုပ်နိုင်တဲ့လူတွေက ပစ်တင်ဝေဖန်ကြတယ်။ အပိုစာဒါးတွေ လို့ မြင်တဲ့လူက မြင်ကြတယ်။ ဘယ်လိုပဲ ဖြစ်ဖြစ် သူသေဆုံးသွားတာက အမှန်တကယ် လူအများကို ရိုက်ခက် လိုက်တယ်ဆိုတာကတော့ ဘယ်သူမှငြင်းလို့ မရပါဘူး။

ကျွန်မကိုယ်တိုင်က သူရဲ့ အမာခံပရိတ်ပတ်မဟုတ်ပေမယ့် သူ့အကတွေကို တော်တော်လေး ကြိုက်ခဲ့သူပါ။ ပြီးတော့ သူ့တရားရင်ဆိုင်ခဲ့တဲ့အမှုတွေအတွက်လည်း သူ့ကို တော်တော်လေး အထင်သေးခဲ့တယ်။ ဒီကောင် ဘာကောင်းလဲပေါ့လေ။ ကတာတော်တာကို သဘောကျပေမယ့် နဲနဲလေးမှ မလေးစားမိဘူး။ သူ လုပ်ခဲ့တဲ့ အလုပ် တွေအတွက် အပိုတွေလုပ်နေတယ်လို့ ဘာမှမသိဘဲ ထင်ထား၊ မြင်ထားခဲ့သူပါ။ ဒါပေမယ့် အခုနောက်ပိုင်း အသက်ရလာတော့ စဉ်းစားမိတာက လောကမှ အရာတစ်ခုထင်ဖို့ လူတွေ စိုက်ထုတ်ရတဲ့ အင်အားက မနည်းဘူးဆိုတာ သိလာခဲ့တယ်။ နောက်ပိုင်း အရာထင်အောင် လုပ်နိုင်တဲ့ လူတွေကို လေးစားမိတယ်။ ပိုက်ဆံအဓိကမဟုတ်ပေမယ့် လူကြားထဲ လူတွေ အသိအမှတ်ပြုခံရတယ်ဆိုတာ တော်တော့်ကို မလွယ်တဲ့ ကိစ်္စဆိုတာ လက်တွေ့ သိမြင်လက်ခံလာတဲ့ အချိန်မှာ MJ ကို တော်တောလေး လေးစားမိပါတယ်။

သူသေမှ သူ့အကြောင်းတွေပြန်ဖော်တော့ ငယ်ငယ်က ပိုက်ဆံအတွက် ငယ်ဘ၀ကိုစွန့်လွှတ်ခဲ့ရတဲ့ ကလေး တစ်ယောက်ရဲ့ ခံစားချက်ကို စာနာသနားမိပါတယ်။ ကျွန်မကိုယ်တိုင် ငယ်ဘ၀ကို လွတ်လွတ်လပ်လပ် အားပါးတရပျော်ခဲ့ရပေမယ့် အခုအချိန်ထိ ပြန်လိုချင်တုန်းပါဘဲ။ တန်ဖိုးထားတုန်းဘဲ။ သူလို အသက်ငါးနှစ် ကတည်းက ပိုက်ဆံရှာဖို့အတွက် လုံးပန်းနေရမယ့် ကလေးတစ်ယောက်ရဲ့ ဆုံးရှုံးမှုကို စာနာမိတယ်။

MJ ရဲ့ သေဆုံးမှုနဲ့ ပက်သက်ပြီး ကျွန်မအတွက် စဉ်းစားစရာတွေအများကြီး ရခဲ့ပါတယ်။ ငါ ဘာလုပ်ပြီးပြီလဲ၊ ဘာလုပ်ဖို့လိုသေးလဲ။ ပြီးတော့ အလုပ်တစ်ခုလုပ်ရင် ဘာလို စိတ်ထားနဲ့လုပ်ရမလဲ။ MJဟာ တကယ်တော့ ကျွန်မတို့အတွက် အတုယူစရာကောင်းတဲ့ လူတစ်ယောက်ပါ။ ကိုယ့်ဘဝကို အဖြစ်သင့်ဆုံးအခြေအနေကို ရောက်အောင် ဖန်တီးနိုင်တဲ့ လူတစ်ယောက်ပါ။ အဲ့ဒါကို အတော်လေး အားကျမိပါတယ်။ လေးစားမိပါတယ်။ အတုယူရမယ်လို့ ကိုယ့်ကိုကိုယ် ဆုံးမိပါတယ်။

ရင်သပ်ရှုမောစရာ မြင်ကွင်းတွေရဲ့နောက်မှာ အနိတ်ထာရုံတွေရှိနေတက်တာ ဓမ္မတာပဲမို့ သူ့ရဲ့ ကိုယ်ရေး ကိုယ်တာ နဲ့ ပက်သက်တဲ့ ကိစ္စလေးတွေရှိပေမယ့် သူလုပ်ခဲ့တာတွေနဲ့ နှိုင်းယှဉ်လိုက်ရင် ဘာမှမဟုတ်တော့ဘူး လို့ ခံစားပါတယ်။ နောက်တစ်ခုက တကယ်လို့များ ကျွန်မရဲ့ ဖေဖေ MJ လိုသာဖြစ်ခဲ့ရင်ဆိုတဲ့ စိတ်လေး ၀င်လာပါတယ်။ ကျွန်မအသက်အရွယ်နဲ့ ကျွန်မဖေဖေကို အသက်ဆက်ပြီး ရှင်စေချင်ပါသေးမယ်။ ဒီ အတ္တလေး ပေါ်လာမိပါတယ်။ MJ သားသမီးတွေ ကြည့်ပြီး သနားမိတယ် ကိုယ်ချင်းစာမိပါတယ်။ မိဘသေလို့ ခံစားရတယ် ဆိုတာ ကိုယ်တိုင် မိဘသေဖူးမှသိတာပါ။ ကိုယ့်မိဘ မသေဖူးသေးဘဲနဲ့တော့ သူတို့နဲ့ထပ်တူ မခံစားရလောက်ပါဘူး။ ဘာပဲ ဖြစ်ဖြစ် အသက်ရှင်နေတုန်းလေး ပိုပြီး တိုးချစ်မယ်လို့ ဆုံးဖြတ်မိပါတယ်။

ဒီလ ၁၉ ရက်နေ့က မလေးကိုပြန်ဖြစ်ပါတယ်။ အမှန်က ပြန်ဖို့ကအစက အစီအစဉ်မရှိပေမယ့် မိဘတွေ နေမကောင်းဘူးဆိုတာရော(ဒါကတော့ အကြောင်းပြချက်ကောင်းပေါ့)၊ လေယာဉ်လက်မှတ်ဈေးတွေ အရမ်းချနေတာရော ပေါင်းပြီး ပြန်ဖြစ်ပါတယ်။ မြန်မာပြည်က ထွက်လာကတည်းက Budget Air Line ပဲ စီးတာများတော့ လေကြောင်းလိုင်းကောင်းကောင်းလေးနဲ့ တစ်ခါလောက်တော့ သွားဖူးချင်တာ။ Asia ထဲမှာ Singapore Air Line တို့၊ Silk Air တို့ပြီးရင် Malaysia Air Lineလည်း နာမည်ကြီးတာမို့။ ဒီတစ်ခါ ဈေးချတာမလေးရှားလိုင်းကဆိုတော့ စီးဖူးတယ်ရှိအောင် စီးချင်တာလဲ ပါပါတယ်။ သူမို့လည်း စီးနိုင်တာပါမယ်ထင်ပါတယ်။

ရုပ်ရှင်တွေထဲမယ် လေယာဉ်ပျံနဲ့ ခရီးသွားတဲ့လူတွေများ လှလှပပနဲ့ ကျော့လို့မော့လို့ ကျွန်မတို့များလေယာဉ်တစ်ခါစီးတာ ကုန်ထမ်းနေရသလိုပါဘဲ။ အဲအေးရှားက လူတစ်ယောက်ကို ၁၅ ကီလိုဘဲပေးတော့ ကျန်တဲ့ ကိုယ်သယ်ချင်တာတွေကိုယ်တိုင်သယ်ရတော့ လက်ထဲမှာ ၃ ထုပ်လောက်က အသာလေးပါတယ်။ တစ်ခါတလေတော့ ရုပ်ရှင်ဆိုတာ စိတ်ကူးယဉ်သက်သက်တစ်ခုဘဲဆိုတာ လက်ခံမိတယ်။

ဒီလိုနဲ့ ကျွန်မဆီမှာ အေးအေးသက်သာနဲ့ လေယာဉ်တစ်ခါလောက်တော့ စီးဖူးချင်သားလို့ စိတ်ကူးရှိမိပါတယ်။ အခုတစ်ခေါက်တော့ မလေးရှားအဲလိုင်းက လေယာဉ်လက်မှတ်တွေ ဈေးချတာ တစ်ကြောင်းကို ၄၉ ကျပ်၊ဈေးချတာကတော့ Economy တန်းကဆိုပေမယ့် ခါတိုင်းကို စလုံးငွေ ၁၀၀ ကျော်ပေးရတဲ့၊ မလေးငွေ သုံးရာလောက်ပေးရတဲ့ အတန်းတွေဆိုတော့ စီးဖူးတယ်ရှိအောင်ဆိုပြီး အိမ်ပြန်မယ် စိတ်ကူးပါတယ်။ အသွားအပြန် ၉၁ ကျပ်ဘဲကျပါတယ်။ အသွားအပြန်ဝယ်တော့ ဈေးပိုသက်သာသွားပါတယ်။ ဒါနဲ့ ပျော်ပျော်ကြီး

အိမ်ပြန်ခဲ့ပါတယ်။ ဒီတစ်ခါတော့ ကျွန်မဆုတောင်းအချိန်မှီပြည့်တယ် ပြောရပါ့မယ်။

အဲ့ဒီမှာ ပြဿနာက စတော့တာပါဘဲ။ မလေးနဲ့ စင်္ကာပူကူးတဲ့လေယာဉ်မို့လား၊ ဈေးချတဲ့အချိန်ဆွဲတဲ့ လေယာဉ်မို့လားမသိပါဘူး။ လေယာဉ်က Boring 737 ဖြစ်နေပါတယ်။ အဲ့ဒါတောင် လေယာဉ်ပေါ်ရောက်မှ သိတာပါ။ ခါတိုင်း Air Asia အမြဲစီးတာဆိုတော့ ဘာတွေကွာလည်း သေချာမသိပါဘူး။ နာမည်ကြီး လေကြောင်းလိုင်းဆိုတော့ ကောင်းမယ်ဘဲထင်တာပါဘဲ။ လေယဉ်လိုင်းက အကောင်းဆိုတော့ ဂိတ်တွေ ကလည်း စောတဲ့ ဂိတ်တွေ၊ လှလှပပ နေရာနားတွေက ဂိတ်ဆိုတော့အားလုံးလှနေတာပေါ့။ Checkin ကို Online ကနေလုပ်တာဆိုတော့ ထိုင်ခုံကတော့ ရှေ့နားရပါတယ်။ အစကတည်းက လေယာဉ်စီးရင် အလယ် နားလောက် စီးရတာကို ပိုကြိုက်လို့ အလယ်နားက ထိုင်ခုံကို သေချာရွေးခဲ့တာပါ။

ဒီလိုနဲ့ လေယာဉ်ပေါ်တက်ပြီးလို့ လေယာဉ်စထွက်ပြီး မိနစ်နှစ်ဆယ်လောက်ကြာတယ် Taxi လုပ်နေတာ။ ကွင်းကနေ အရှိန်နဲ့ စပြီး ပြေး၊ လေပေါ်စရောက်တာနဲ့ လေယာဉ်ကတုန်နေပါတယ်။ အသံတွေ ကြားနေရတယ်။ အခုတလောလဲ လေယာဉ်တွေ ပျက်ကျတာတွေ အမြဲကြားနေရတော့ စိတ်ထဲမယ်လည်း တစ်မျိုးတော့ ဖြစ်မိပါတယ်။ ဖြစ်လည်း အတွေ့အကြုံလို့ မှတ်လိုက်ပါတယ်။ အပေါ်မှာ လေးက တော်တော် လေးပြင်းနေတော့ အပေါ်နားရောက်ခါနီးလေ လေယာဉ်က ပိုပြီးတုန်လေဖြစ်နေပါတယ်။ အပေါ်တော်တော် မြင့်မြင့်ရောက်မှ တုန်တာတွေ ရပ်သွားမှဘဲ လူလည်း ဟင်းချနိုင်တော့တယ်။ ဟီးး မပြောကောင်းပြောကောင်း သွားပြီကို မှတ်တာ။

အမှန်က Air Bus တွေက သိပ်ပြီးမတုန်ဘဲ လူတွေ စီးရတာ သက်တောင့် သက်သာရှိတယ်လို့ ဖေဖေတစ်ခါပြောဖူးတာ အဲ့ဒီတော့မှ ပြန်ပြီး သတိရပါတယ်။ ခါတိုင်းက Air Asia စီးတော့ သူ့ဆီက လေယာဉ်တွေက Air Bus တွေချည်း ဆင်ထားတာဆိုတော့ အခုကိုယ်စီးတဲ့လေယာဉ်ကလည်း MH မှာအသေးဆုံးလေယာဉ်ဖြစ်နေတော့ အသားကုန်မြည်နေတာလည်း ပါမယ်ထင်ပါတယ်။ ဒီတော့မှ ထိုင်ခုံပြေးဦး၊ မုန့်မကျွေးတာမှတန်ဦးမယ်လို့ တွေးမိပါတယ်။ ပြီးတော့ Air Asia က Lather ထိုင်ခုံတွေကို ပိုကြိုက်ပါတယ်။။ ဘယ်လိုဘဲ ဖြစ်ဖြစ် စိတ်ထဲမှာ စီးနေကျဖြစ်လို့လား၊ တကယ်ဘဲ သက်တောင့်သက်သာရှိလို့လားတော့ မသိဘူး။ Air Asia ရဲ့ အနံနဲ့ ထိုင်ခံတွေကို ပိုပြီး နှစ်သက်မိပါတယ်။

ဒါပေမယ့် အခုလောလောဆယ်တော့ Air Asia ကလည်း One Way တောင် ၈၈ ကျပ်ကျတာဆိုတော့ ကိုယ့် Budget ပေါ်မူတည်ပြီး လက်ရှိလေးဘဲ ကောင်းပါတယ်ဖြစ်သွားပါတယ်။ ဒီတစ်ခါကျတော့ လောဘက ပိုပြီးတက်သွားတယ်။ တကယ်လို့များ ငါ့မှာ ပိုက်ဆံရှိခဲ့ရင် Business class ကိုစီးမယ်ဆိုပြီးဖြစ်သွားပြန်ရော။ ဟီးး ဒီလို၊ ဒီလို မဆုံးနိုင်တဲ့ လောဘပေါ့ ခင်ဗျာ။